संत ज्ञानेश्वर महाराज पालखी सोहळ्याचे प्रस्थान

आषाढी वारीसाठी वारकऱ्यांचे आराध्य दैवत असलेल्या संत ज्ञानेश्वर महाराज पालखी सोहळ्याचे प्रस्थान 8 जुलै रोजी आळंदीतून होणार आहे

33 दिवसांच्या या पवित्र प्रवासानंतर हा सोहळा 8 ऑगस्ट रोजी पुन्हा आळंदीत परतणार आहे. 8 जुलै रोजी देऊळवाड्यातून माऊलींच्या पालखीचे जल्लोषात प्रस्थान होईल. प्रस्थानाचा पहिला मुक्काम आळंदीतील नवीन दर्शन मंडपात असेल. त्यानंतर 9 जुलै आणि 10 जुलै रोजी पालखी पुण्यात मुक्कामी असेल. सासवडमध्ये 11 जुलै आणि 12 जुलै रोजी मुक्काम करून सोहळा 13 जुलै रोजी जेजुरीला पोहोचेल. 14 जुलै रोजी पालखीचा मुक्काम वाल्हे येथे असेल. 15 जुलै रोजी माऊलींच्या पादुकांना निरा स्नान घालण्यात येणार असून त्याच दिवशी पालखी लोणंद येथे मुक्कामी असेल. रिंगण सोहळ्याचे वेळापत्रक 1. पहिले उभे रिंगण: चांदोबाचा लिंब – 16 जुलै 2. पहिले गोल रिंगण: पुरंदवडे – 20 जुलै 3. दुसरे गोल रिंगण: खुडूस फाटा – 21 जुलै 4. तिसरे गोल रिंगण: ठाकुरबुवाची समाधी – 22 जुलै 5. दुसरे उभे रिंगण: बाजीरावची विहीर, वाखरी – 23 जुलै 6. चौथे गोल रिंगण: बाजीरावची विहीर, वाखरी – 23 जुलै 7. तिसरे उभे रिंगण: इसबावी, पंढरपूरजवळ – 24 जुलै