श्री ज्ञानेश्वरांनी चालवलेली भिंत

Discover this amazing place

नगरप्रदक्षिणेच्या वाटेने मंडईवाल्यांच्या धर्मशाळेच्या पुढे गेल्याव,आळंदीच्या ईशान्येस जवळच ही भिंत आहे.ज्ञानदेव-चांगदेव भेटीच्यावेळी हातात सर्पाचा चाबूक आणि वाघावर आरूढ होऊन आलेल्या चांगदेवांचे गर्वहरण करण्यासाठी ज्ञानेश्वरांनी निवृत्तिनाथांच्या आदेशानुसार जड भिंतीस आज्ञा दिली आणि भिंत आकाशी उडाली.तीच हि भिंत. मोठ्या तोऱ्यात वाघावर बसलेल्या चांगदेवांनी जेव्हा ज्ञानेश्वर आपल्या भावांडांसोबत एका निर्जीव भिंतीवर आकाशातून येत आहे हे पहिले आणि त्यांचा अहंकार गळून पडला.निर्जीव व जड असलेल्या वस्तूवर सत्ता चालविणे हे योग्याच्या शक्तीपलीकडचे आहे आणि आपणाकडे असे सामर्थ्य नाही हे त्यांच्या लक्षात आले आणि त्यांचे गर्वहरण झाले. भिंतीवर पाचही भावंडांच्या मूर्ती असून समोर चांगदेवांची मूर्ती आहे.मोठ्या दगडी चौथऱ्यावर हे बांधकाम आहे.प्रदक्षिणा मार्गावर हि भिंत आहे.ग्रामदैवत भैरवनाथाच्या शेजारीच हि भिंत आहे.भैरवनाथ चौकातच हि दोन्ही ठिकाणे आहेत.विश्रांतावड येथून जवळ आहे. खाली तेथील छायाचित्रे आहे.